काठमाण्डौं १७ साउन । अख्तियार दुरुपयोगका अनुसन्धान आयोगको टोलीले संस्कृति, पर्यटन तथा नागरिक उड्डयन मन्त्रालयका उपसचिव प्रमोद नेपाल ६ लाख रुपैयाँ घूससहित पक्राउ गरेको छ ।
आयोगको टोलीले उपसचिव नेपाललाई नागपोखरीस्थित एक होटेलबाट नियन्त्रणमा लिएको हो । पर्यटन व्यवसाय दर्ता गरिदिने भन्दै उनले सेवाग्राहीबाट ६ लाख रुपैयाँ लिएका थिए ।
घटनाबारे थप अनुसन्धान भइरहेको आयोगका प्रवक्ता श्यामप्रसाद भण्डारीले जानकारी दिनुभयो ।
