काठमाण्डौ ७, जेठ । थप २५ जनामा कोरोना पुष्टि भएसँगै बुधबारसम्ममा नेपालमा कोरोना सङ्क्रमितको सङ्ख्या ४ सय २७ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा विकास देवकोटाले बाँकेको नरैनापुर गाउँपालिकामा ५ र खजुरा गाउँपालिकामा १ जना सङ्क्रमित पुष्टि भएको जानकारी दिनुभयो ।
उहाँका अनुसार नरैनापुर–५ मा १७, २०, २८, ३० र ४० वर्षका पुरुषमा कोरोना देखिएको हो भने खजुरा गाउँपालिकाका २७ वर्षका पुरुषमा कोरोना पुष्टि भएको हो । नवलपरासीमा पनि एकजना कोरोना सङ्क्रमित थपिएका देवकोटाले जानकारी दिनुभयो ।
कपिलवस्तुमा १३ र धनकुटामा ५ जनामा कोरोना पुष्टि भएको पनि उहाँले बताउनुभयो ।
