काठमाडौं ११, वैशाख । नेपालका लागि स्वास्थ्य सामग्री लिन श्री एयरलाइन्सको बिमान सिंगापुर उडेको छ । स्वास्थ्य मन्त्रालय र टेमासेक फाउन्डेसनका स्वास्थ्य सामग्रीहरु लिन विमान बिहीबार सिंगापुर उडेको हो ।
बिहीबार बिहान ७ बजेर ५० मिनेटमा बिमान सिंगापुर प्रस्थान गरेको एयरलाइन्सका महाप्रवन्धक अनिल मानन्धरले बताउनुभयो।
जहाज आजै स्वदेश फर्किने जनाइएको छ । सो जहाजमा कोरोना भाइरसविरुद्ध लड्न आवश्यक फाउन्डेसनका १० हजार थान पीपीई लगायतका स्वास्थ्य सामग्रीहरु हुने मानन्धरले बताउनुभयो।
