काठमाडौं, ४ वैशाख । दाङको तुलसीपुर कारागारमा सशस्त्र प्रहरीका सहायक हवल्दारले आफैंलाई गोली हानी आत्महत्या गरेका छन् ।
तुलसीपुर उपमहानगरपालिका—८ टिकरीका ३५ वर्षीय बसन्त केसीले डयुटीमा खटिएको बेला आइतबार साढे राति ८ बजे आफैंलाई गोली हानेको इलाका प्रहरी कार्यालय तुलसीपुरका डीएसपी पुष्पराज मल्लले जानकारी दिनुभयो ।
गोली लागेर हवल्दार केसीको घटनास्थलमै मृत्यु भएको डीएसपी मल्लले बताउनुभयो । उनी कारागार सुरक्षा गुल्म तुलसीपुरमा पाँच दिन पहिले मात्रै आएका थिए । यसअघि केसी ४८ नम्बर रिजर्भ गुल्म कपिलवस्तुमा कार्यरत हुनुहुन्थ्यो। घटनाबारे अनुसन्धान भैइरहेको प्रहरीले जानकारी दिएको छ ।
