गोरखा, १३ माघ । राष्ट्रिय स्वास्थ्यकर्मी महासंघ नेपाल गोरखाको जिल्ला अध्यक्षमा नवराज श्रेष्ठ सर्व सम्मत रुपमा चयन हुनुभएको छ । शनिबार गोरखा सदरमुकाममा भएको पाँचौं अधिवेशनले श्रेष्ठको अध्यक्षतामा ९ सदस्यीय जिल्ला कार्य समिति समेत चयन गरेको छ ।
जसको उपाध्यक्ष द्ववमा रोशन बानियाँ र सबिता बगाले, सचिवमा मोती कुमाल समेत सर्व सम्मत रुपमा चयन भएको उपाध्यक्ष रोशन बानियाँले जानकारी दिनुभयो ।
उहाँका अनुसार उप–सचिवमा राजराम बानियाँ र कोषाध्यक्षमा नवराज राना चयन भएका छन् । त्यस्तैगरी, सदस्यहरुमा हिमा गुरुङ, बिकास थापा र पूर्ण कुमारी गुरुङ चयन भएका छन् ।
