गोरखा, ९ पुस । ठगी आरोपमा गोरखाका १ जना युवक सहित २ जनालाई प्रहरीले संघिय राजधानीबाट पक्राउ गरेको छ ।
पक्राउ पर्नेमा गोरखा जिल्ला, पालुङटार नगरपालिका–७ च्याङली घर भएका किशान कुमाल र खोटाङको दिप्रुङग चुईचुम्मा गाउँपालिका–२ ओख्रे घर भएका युवक खड्का भएको काठमाडौं उपत्यका अपराध अनुसन्धान कार्यायल टेकुले पुष्टी गरेको हो ।
पक्राउ परेका दुवै जनाले बैदेशिक रोजगारीमा आकर्षक तलबको प्रलोभनमा पारी रकम ठगी गरेको आरोप लागेको प्रहरीले जानकारी दिएको छ ।
पक्राउ परेका कुमाल र खड्का पछिल्लो समय राजधानीको टोखाको ग्रिनल्याण्डमा बस्दै आएको पनि प्रहरीले जनाएको छ ।
पक्राउ परेका किशानले ४ जनालाई इजरायल पठाइदिन्छु भन्दै ३३ लाख ५० हजार रुपैयाँले युवकले १ जनालाई मलेशिया पठाइदिन्छु भनेर २ लाख ५० हजार रुपैयाँ ठगी गरेको पनि काठमाडौं उपत्यका अपराध अनुसन्धान कार्यायल टेकु जानकारी दिएको छ ।
प्रहरीले किशानलाई टेकुबाट र युवकलाई रत्नपार्कबाट पक्राउ गरेको थियो ।
पक्राउ परेका दुवै जनालाई आवश्यक अनुसन्धान र कारवाहीको लागि बैदेशिक रोजगार बिभाग ताहाचलमा बुझाएको पनि काठमाडौं उपत्यका अपराध अनुसन्धान कार्यायल टेकुले जनाएको छ ।
