गोरखा, १६ मंसिर । गोरखा नगरपालिका वडा नम्बर ५ मा वडा अध्यक्ष पदको लागी भईरहेको उपनिर्वाचनको मतगणना आजैबाट सुरु हुने भएको छ । दुई मतदान केन्द्रको तीनवटा मतदानस्थलमा अहिले मतदान जारी छ ।
मतदान सम्पन्न भएलगत्तै मतपेटिका मुख्य निर्वाचन अधिकृतको कार्यालयमा ल्याएर सर्वदलिय बैठक गरी मतदान सुरु गरिने मुख्य निर्वाचन अधिकृत शिवबहादुर रानाभाटले जानकारी दिनुभयो । उहाँले मतगणनाको पूर्व तयारी पुरुा भइसकेको बताउनुभयो । ‘मतपत्रका सबै बाकस आउनु प¥यो । भण्डारण गर्नुप¥यो । सर्वपक्षीय छलफल गर्नुप¥यो,’ रानाभाटले भन्नुभयो ।’ हालसम्म सबै मतदान केन्द्रमा शान्तिपूर्ण रूपमा मत खसाल्ने कार्य भइरहेको निर्वाचन अधिकृतको कार्यालयले जनाएको छ ।
२ हजार २ सय २५ मतदाता रहेको गोरखा नगरापालिका वडा नम्बर ५ मा दिउँसो २ः३० बजेसम्म दुईवटा मतदान केन्द्रमा गरी १ हजार २ सय ८० मत खसेको मुख्य निर्वाचन अधिकृत शिवबहादुर रानाभाटले जानकारी दिनुभयो ।
