गोरखा, ४ असोज । गोरखा सदरमुकाममा रहेको खाद्य ब्यवस्था तथा ब्यापार कम्पनीले लिमिटेडले आजदेखी सस्तोमा चामल बिक्री गर्ने भएको छ । कम्पनीले चार्डपर्वलाई लक्षित गर्दै सस्तोमा चामल बिक्री गर्न लागेको हो ।
कार्यालय समय भित्र दशैं, तिहार र छठलाई लक्षित गर्दै कम्पनीको गोरखा शाखाले सस्तोमा चामल बिक्री गर्न लागेको सूचना अधिकारी शिव सुनारले जानकारी दिनुभयो ।
उनका अनुसार कम्पनीले बिक्री गर्दै आएको चामलमा प्रति केजी ५ रुपैयाँ छुट दिएर बिक्री गर्न लागेको हो । कम्पनी संग रहेको स्टिम जिरा मसिनो प्रति केजी ८५ रुपैयाँमा बिक्री गर्न लागेको हो । यस भन्दा अगाडी कम्पनीले सोही चालम प्रति केजी ९० रुपैयाँमा बिक्री गर्दै आएको थियो ।
कम्पनीले आफु संग संरक्षित रहेको २५ केजीको स्टिम जिरा मसिनो आजदेखी २ हजार १२५ रुपैयाँ प्रति बोरामा बिक्री गर्न लागेको कम्पनीका निमित्त शाखा प्रुमुख तिर्सना आलेमगरले बताउनुभयो ।
प्रमुख आलेमगका अनुसार कम्पनी संग रहेको सोना मन्सुली पनि प्रति केजी ५ रुपैयाँ छुटमा बिक्री गरीने छ । यस अघि ६६ रुपैयाँ प्रति केजी बिक्री गर्दै आएको उक्त चालम आजदेखी ६१ रुपैयाँमा बिक्री गरिने छ ।
शाखाले दिएको जानकारी अनुसार २५ केजीको बोरामा रहेको सोना मन्सुली आजदेखी १ हजार ५२५ रुपैयाँ बोरा बिक्री हुदै छ । कम्पनीले चार्डपर्वलाई लक्षित गरी सोना मन्सुली ३५० क्विन्टल र स्टिम जिरा मसिनो १०० क्विन्टल बिक्री गर्ने लक्ष्य राखेको छ । सहुलियत दरमा दिने उक्त चामल प्रति ब्यत्ती २ बोरासम्म लान मिल्ने पनि कम्पनीले जनाएको छ ।
केही बर्षदेखी चार्डपर्व लक्षित सहुलियत दरमा चामल बिक्री गर्दै आएको शाखालाई कुल ५०० क्विन्टल चामल बिक्री गर्न अनुमती प्राप्त भएको पनि सूचना अधिकारी सुनारले बताउनुभयो ।
अघिल्लो बर्ष कम्पनीले सहुलियतको चामल २०० क्विन्टल मात्र बिक्री गर्ने अधिकार पाएको थियो । उक्त सहुलियतको चामल कम्पनी संग मौदात रहदासम्म माघ २ गतेसम्म सर्व साधारणले खरिद गर्न पाउनेछन् ।
