गोरखा, १७ कात्तिक । गोरखामा गठबन्धनका उम्मेदवारलाई बिजयी गराउन बामलोकतान्त्रीक गठबन्धन सम्बद्द युवा संगठनहरुले एक बुथ १०० युथ परिचालन गरिने भएको छ ।
वाईसिएल नेपाल, नेपाल तरुण दल, युवा संघ नेपाल र नेपाल समाजवादी युवा संघको जिल्ला स्तरिय परिचालन प्रतिनिधिको बुधबार बसेको बैठकले गठबन्धनका उम्मेदवारहरुलाई अत्यधिक मतले बिजयी गराउने साथै एक बुथ १०० युथ परिचालन गर्ने निर्णय गरेको हो । संगठनहरु मातहतका स्थानिय समितिबाट प्रत्यक बुथबाट २ जना कमाण्डरको नामावली जिल्लामा केन्द्रित गराउने निर्णय गरिएको वाइसियलका जिल्ला इन्र्चाज सागर श्रेष्ठले जानकारी दिनुभयो ।
यस्तै वडा मातहतका सबै समितिमा संगठनहरुका २/२ जना रहने गरी परिचालन समिति बनाउने उहाँले बताउनुभयो । इन्र्चाज श्रेष्ठका अनुसार आसन्न ४ मंसिरको निर्वाचनमा गठबन्धनका उम्मेद्वारलाई मातदान गरी बिजयी गराउन युवा संगठनका अध्यक्षहरुले साँझा अपिल गर्ने बताउनुभयो ।बामलोकतान्त्रीक गठबन्धनको मर्म र स्प्रिट मतहत सबै समिति, कार्यकर्तासम्म प्रवाह गर्ने र गठबन्धन विपरीत कार्य गर्नेलाई सम्बन्धित समिति मार्फत अनुशासनको कारबाही गरिने बताएको छ ।
कात्तिक २० गते जिल्लाका सबै स्थानीय तहमा चारै दलका युवा संगठनले संयुक्त बृहत भेला गर्ने निर्णय गरिएको उहाँले जानकारी दिनुभयो । आगमी गठबन्धन सम्बद्द युवा संगठनहरुको बैठक नेपाली कांग्रेसको पार्टी कार्यलयमा तिनधारेमा बस्ने निर्णय गरिएको जनाएको छ ।
