गोरखा १२, असोज
गोरखाको गण्डकी गाउँपालिकाको केन्द्र विवाद मुख्य मन्त्रिको कार्यालय पुगेको छ । नेपाल कम्युनिष्ट पार्टी (नेकपा) गण्डकी गाउँपालिकाका इन्चार्ज सहित जनप्रतिनिधिको टोलीले गाउँपालिकामा भएका पछिल्ला क्रियाकलापहरु र जनताको मागका विषय लिएर मुख्य मन्त्रीलाई आइतबार भेटेका हुन् । भेटमा नेकपा निकटका जनप्रतिनिधिहरुले गाउँपालिकाले अध्यक्षले केन्द्र बिबादलाई गाउँपालिका स्तरीय निर्णयबाट समाधान गर्ने भन्दापनि एकलौटी र मनोमानी ढंगबाट आफु अनुकुल व्यवस्थापन गर्न खोजेको जानकारी गराएका छन् ।
भेटमा गाउँपालिकाको बजेट, प्रशासनिक भवन निर्माण लगायतको समस्याको बारेमा समेत मुख्यमन्त्रीलाई जानकारी गराइएको नेकपा गण्डकी गाउँपालिका इन्चार्ज दिपक तिमिल्सिनाले जानकारी दिनुभयो । ‘गाउँपालिकाको केन्द्रको बिषयमा सहमतीद्धारा अगाडी बढ्ने भन्ने कुराहरुको बारेमा मुख्यमन्त्रीसंग गहन छलफल भयो, उहाँले भन्नुभयो, ‘अहिले भएको केन्द्रहरु जुन बनटार र ओखल डाँडा २ वटैलाई २ तिहाइ बहुमत चाहिने भएकाले अहिले मौजुदा जति छ गण्डकी गाउँपालिका सदस्यहरु दुवै पाटीको दुई तिहाई नहुने स्थितीमा सहमतीद्धारा त्यसको निकास खोज्नु जरुरी छ भन्ने कुराभयो ।’
छलफलमा मुख्यमन्त्री गुरुङले कोरोना संक्रमणको बिचमा बजेटाम रामोसंग छलफल गरेर अघि बढ्नु पर्नेमा सुझाव समेत दिनुभएको उहाँले बताउनुभयो । मुख्यमन्त्री गुरुङले सरकारको काम जनताप्रति उत्तरदायी भएर गतिशिल ढंगले गर्नुसमेत भेटमा सहभागी जनप्रतिनिधिहरुलाई निर्देशन दिनुभएको तिमिल्सनाले जानकारी दिनुभयो ।
गाउँपालिकाको केन्द्र बिबादका कारण गण्डकी गाउँपालिकाले चालु आर्थिक बर्षको बजेट निति तथा कार्यक्रम समेत ल्याउन सकेको छैन । हिजोका लागि बोलाईएको बैठकमा नेकपााबाट निर्वाचित जनप्रतिनिहरुले भाग नलिएपछि पुन स्थागित भएको थियो । बैठक पुनः यहि १३ गतेका लागि बोलाईएको छ ।
