काठमाडौं । कोरोना भाइरस(कोभिड १९)को संक्रमणबाट बझाङका एक वृद्धको निधन भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार बझाङको बुगल गाउँपालिका( ३ का ६५ वर्षीय पुरुषको कोरोना संक्रमणबाट मृत्यु भएको छ ।
उनका अनुसार उनी भारतको बैंग्लोरबाट असार २४ गते बझाङ पुगेका थिए । उनको साउन ३ गते घरमै निधन भएको थियो । उनको स्वाब जाँच गर्दा कोरोना पुष्टि भएको हो ।
यससँगै कोरोना संक्रमणबाट मृत्यु हुनेको संख्या ४९ पुगेको छ ।
