काठमाण्डौं ६, साउन । सरकारले (आज) मंगलबार मध्यरातदेखि लकडाउन अन्त्य गर्ने निर्णय गरेको छ । कोरोना भाइरस (कोभिड १९) को संक्रमण रोक्न सरकारले गएको चैत ११ गतेदेखि घोषणा गरेका लकडाउन आज मध्यराती १२ बजेबाट हटाउने निर्णय गरेको सरकारका प्रवक्ता युवराज खतिवडाले जानकारी दिनुभयो ।
दैनिक कोरोना संक्रमितको संख्या बिस्तारै घट्न थालेपछि लकडाउन खुकुलो पार्दैै गएकोमा अब पूर्ण रुपमा हटाउने निर्णय सरकारले गरेको हो । स्वास्थ्य मन्त्रालयको सिफारिसका आधारमा लकडाउनको अन्त्य गर्ने निर्णय सरकारले गरेको भएपनि संक्रमणको अबस्थालाई हेरेर भदौपछि थप निर्णय हुने जनाइएको छ ।
