काठमाडौँ, ३१ बैशाख । भारतले अतिक्रमण गरको नेपालको कालापानी लगाएका क्षेत्रको सुरक्षाका लागि सशस्त्र प्रहरीको टोली त्यस तर्फ प्रस्थान गरेको छ । उक्त प्रहरीको टोली दार्चुलाको छांगरु क्षेत्रमा क्याम्प बनाएर बस्नेत जनाइएको छ ।
पहिलो चरणमा काठमाडौँबाट २५ जना सशस्त्र प्रहरी र ९ जना नेपाल प्रहरीको टोली लिएर बुधबार हेलिकप्टर छाङरु उडेको हो । छाङरुमा सशस्त्र प्रहरी बलको सिमा सुरक्षा चेकपोस्ट (बिओपी) स्थापनाको गर्ने तयारी रहेको गृह मन्त्रालय स्रोतले जनाएको छ ।
गृहमन्त्री रामबहादुर थापाको निर्देशनमा मन्त्रालयले छांगरु क्षेत्रमा सशस्त्र प्रहरी बलको फौज राख्ने निर्णय गरेको थियो ।
उनीहरुले सीमा रक्षा गर्नुका साथै अपराध नियन्त्रणमा भूमिका खेल्नेछन् । कालापानीबाट १० किलोमिटरको दुरीमा सशस्त्र प्रहरी बलको बोर्डर आउट पोस्ट राख्न लागिएको हो ।
