काठमाडौं २५, चैत । प्रधानमन्त्री केपी शर्मा ओलीले आज (मगलबार) ११ बजे देशबासीको नाममा सम्बोधन गर्नुहुने भएको छ । उहाँले कोरोना रोकथाम तथा नियन्त्रणमा सरकारले गरेका तयारीलाई लिएर देशवासीका नाममा सम्बोधन गर्न लाग्नु भएको हो ।
प्रधानमन्त्रीले सोमबार बसेको मन्त्रिपरिषद बैठकमा महामारीका रुपमा रहेको कोरोना संक्रमण नियन्त्रण, रोकथाम र उपचारबारे सरकारले अहिलेसम्मका गरेका तयारी र कार्यायोजनाबारे आफूले सम्बोधन गर्न लागेको जानकारी गराउनु भएको थियो ।
सम्बोधनका क्रममा प्रधानमन्त्री ओलीले स्वास्थ्यकर्मीलाई निर्धक्क भएर उपचार कार्यमा संलग्न हुन र सर्वसाधारणलाई सचेत रहन आग्रह गर्ने बताइएको छ ।
