फोटो फाइल
काठमाण्डौ १७, चैत । सरकारले तत्कालका लागि पर्यटकको उद्दार गर्ने काम स्थगित गरेको छ । सम्बन्धित मुलुकको आग्रहमा केही विदेशी नागरिकलाई काठमाडौँ ल्याइसकिएको र आन्तरिक रूपमा हुने उद्दारको काम आजदेखि स्थगित गरिएको नेपाल पर्यटन बोर्डका निर्देशक लीला बानियाँले जानकारी दिनुभयो ।
सोमबार सोलुखुम्बुको लुक्लामा पाँचवटा उडानबाट पर्यटकको उद्धार गरिएको छ । मुलुकको विभिन्न स्थानमा रहेका १३ सय १ जना पर्यटकलाई चार्टर्ड उडानमार्फत् काठमाडौँ ल्याइएको छ । सरकारको समन्वयमा गत बिहिबारबाट पर्यटकको उद्दार सुरु गरिएको थियो । यसैबीच नेपालमा रहेका अमेरिकी नागरिकलाई फिर्ता लैजान मंगलबार जहाज आउनेभएको छ ।
अमेरिकी सरकारले कतार एयरवेजको जहाज चार्टर्ड गरी दोहा हुँदै आफ्ना नागरिकलाई वासिंटन डिसीस्थित डल्लास विमानस्थलमा झार्न लागेको हो ।
