काठमाडौँ १७, चैत । कोरोना आशंकामा पाटन अस्पताल उपचाररत एक पुरुषको मृत्यु भएको छ । धादिङ घर भएका ३६ बर्षिय पूरुष भारतबाट फागुन १४ गते नेपाल आउन भएको थियो ।
उहाँको आइसीयूमा उपचारकै क्रममा मृत्यु भएको अस्पताल स्रोतले बताएको छ । धादिङ खनियाँबास गाउँपालिका स्थायी घर भएका ती बिरामीको ३ बजे रिपोर्ट आएपछि मात्र मृत्युको कारण पुष्टि हुने अस्पतालले जनाएको छ ।
उहाँलाई आइतबार ४ बजे अस्पताल भर्ना गरिएको थियो । भारतीय सैनिकमा कार्यरत उहाँलाई दुई दिनदेखि ज्वरो आएपछि धादिङबाट काठमाडौं पठाइएको थियो।
मृत्युको कारण कोरोना संक्रमण वा अन्य केही हो भन्ने बारेमा रिर्पोट आएपछि मात्र पुष्टी हुने अस्पतालले जनाएको छ । अस्पतालका निर्देशक प्रा. डा. विष्णु शर्माले सो अस्पतालमा कोरोनाको आशंकामा तीनजनालाई आइसोलेसनमा राखिएको जानकारी दिनुभयो ।
