काठमाण्डौ २१, मङ्सिर । नेपालका प्रशोधन उद्योगहरुले खाने तेलको मूल्य बढाएसँगै सबैजसो खाने तेलको मूल्य १० देखि २० प्रतिशतसम्म बढेको छ।यससँगै अब आधा लिटर तेलको मूल्य १ सय रुपैयाँ पुगेको छ। औसतमा प्रतिलिटर १७० रुपैयाँ रहेको सूर्यमूखी तेलको मूल्य २०० रुपैयाँ पुगेको छ।
ब्राण्डअनुसार लिटरमा १०देखि १२ रुपैयाँ तलमाथि भए पनि सबैजसोको मूल्य बढेको खुद्रा व्यापार संघका निवर्तमान अध्यक्ष पवित्र बज्राचार्यले जानकारी दिनुभयो । बज्राचार्यका अनुसार तोरीको सूर्यमुखी र भटमासको तेलमा मूल्य बढेको हो ।
