काठमाण्डौं १७, मङ्सिर । नेकपा सचिवालयको आजको बैठक सकिएको छ । प्रधानमन्त्रीको सरकारी निवास बालुवाटारमा बसेको सचिवालय बैठकमा प्रधानमन्त्री केपी शर्मा ओली र गृहमन्त्री समेत रहनुभएका सचिवालय सदस्य रामबहादुर थापा अनुपस्थित हुनुभयो । बुधबार बसेको बैठक मंसिर २० गते फेरि बस्ने गरी सकिएको हो ।
प्रधानमन्त्री ओलीका प्रेस सल्लाहकार सूर्य थापाका अनुसार सचिवालयको बैठक मंसिर २० गते दिउँसो १ बजे फेरि बस्नेछ । भोलिका लागि बोलाइएको स्थायी कमिटिको बैठक समेत मंसिर २१ गतेका लागि सार्ने निर्णय समेत भएको छ ।
