गोरखा २१, कात्तिक । चर्चित गायिका रेखा शाहको ‘एक दिन तिमी फर्की आउनेछौ‘’ शीर्षकको गीत सार्वजनिक भएको छ । गायक सुगम पोखरेलको संगीत निर्देशन रहेको उक्त गीतमा गीतकार भूपेन्द्र खड्काको शब्द रचना रहेको छ । गीतमा सुजिल कर्माचार्यले संगीत संयोजन गर्नुभएको छ ।
गीतको म्युजिक भिडियो गायिका शाहले आफ्नै यूट्युब च्यानलमार्फत अपलोड गर्नुभएको हो । भिडियोलाई नितिन चन्दले निर्देशन गर्नुभएको छ । गायिका शाहले फेसबुक मार्फत गीत सार्वजनिक भएको जानकारी गराउँदै लेख्नु भएको छ ( ‘मेरो जीवनको एउटा महत्त्वपूर्ण र महत्त्वाकांक्षी गीत ‘एक दिन तिमी फर्की आउनेछौ’ सार्वजनिक गरेकी छु ।
संगीतकार सुगम पोख्रेल, गीतकार भूपेन्द्र खड्का, भिडियो निर्देशक नितिन चन्द, छायांकार रुपेश थापा र सम्पादक सविश जोशीप्रति आभारी छु । तपाईं सबैबाट मायाको अपेक्षा छ ।’
