गोरखा ११, असार । गोरखा नगरपालिका–८ मा नेपाली सेनाले निर्माण गरेको बिधालय भवन आज हस्तान्रतण गरिएको छ । नेपाली सेनाले निर्माण गरेको ४ कोठे बिद्यालय भवन आज हस्तान्तरण गरिएको रणसिहं दल गण गोरखाका गणपति उज्वल केसीले जानकारी दिनुभयो । भुकम्पले क्षति पु¥याएको नेपाल राष्ट्रिय भूपु सैनिक आवासीय विद्यालयको नवनिर्मित भवन नेपाली सेना ३ नम्वर वाहिनीपति सहायक रथी सागरबहादुर थापाले उद्घाटन संगै आज बिधालयलाई हस्तारन्तरण गर्नुभयो ।
रण सिंह दल गणले २५ लाखको लागतमा निर्माण सम्पन्न गरेको नवनिर्मित भवनको उदघाटन कार्यक्रममा बोल्दै सहायक रथी थापाले भवन निर्माणले सैनिक र नागरिक बिचको सम्बन्ध उच्च बनाएको भन्दै भूपु यस्तो कार्यले भूपु सैनिकहरुको पनि सम्मान भएको बताउनुभयो । कार्यक्रममा नव निर्मित भवनको साँकेतिक चाँबी नेपाल राष्ट्रिय भूपु सैनिक संघ गोरखाका अध्यक्ष हितमान सिं बस्नेतलाई हस्तान्तरण गरिएको हो ।
विद्यालयको ४ कोठे भवन नेपाली सेनाको सिग्र प्रभाव आयोजना अन्तरगत विनियोजित रकमबाट निर्माण गरिएको रणसिं दल गणका गणपती केसीले जानकारी दिनुभयो । ९ महिनामा सम्पन्न गरिएको उत्त भवन २०७६ पुसबाट निर्माण सुरु भएको थियो । उक्त बिधालयमा २०० जना विद्यार्थी अध्ययनरत बिद्यालय कक्षा ६ सम्म सञ्चालित छ ।
