एजेन्सी १६, असार । विश्वभर कोरोना भाइरसका कारण सङ्क्रमित हुनेको सङ्ख्या १ करोड ४ लाख २१ हजार ४ सय ९० पुगेको छ । हाल सम्म कोरोना भाइरस सङ्क्रमित भएका मध्ये ५६ लाख ७९ हजार १ सय ४३ जना भने उपचार पछि स्वस्थ भैसकेका छन् । हाल सम्म ५ लाख ८ हजार ४ सय १९ जनाको भने कोरोनाकै कारण मृत्यु भएको छ ।
अमेरिकामा सबैभन्दा धेरै १ लाख २८ हजार ७ सय ८३ जनाको मृत्यु भएको छ । त्यसपछि ब्राजिलमा ५८ हजार ३ सय बेलायतमा ४३ हजार ५ सय ७५ इटालीमा ३४ हजार ७ सयको मृत्यु भएको छ । भारतमा १६ हजार ९ सय १७ जनाको मृत्यु भएको छ भने रसियामा ९ हजार ३ सय २० जनाको कोरोनाकै कारण मृत्यु भएको छ ।
