गोरखा २८, जेठ । गोरखाको शहिद लखन गाउँपालिका भित्र बिभिन्न क्वारेन्टाइनमा रहेका ३६ जनाको आज (बुधबार) स्वाब संकलन गरिएको छ । भारतबाट आएर गाउँपालिकाको क्वारेन्टाइनमा रहेका उनिहरुकोे कोरोना परीक्षणका लागि स्वाब संकलन गरि पठाइएको गाउँपालिकाका प्रमुख प्रशासकीय अधिकृत जीवन आले मगरले जानकारी दिनुभयो ।
बुधबार बुङकोटको क्वारेन्टाइनमा रहेका १२ जना, घैरुङ स्थित क्वारेन्टाइनमा रहेका १२ जना, मनकामना स्थित क्वारेन्टाइनमा रहेका ५ जना र ताक्लुङ स्थित क्वारेन्टाइनमा रहेका ७ जनाको स्वाब संकलन गरिएको हो ।
त्यस्तै गाउँपालिका भित्र होम क्वारेन्टाइनमा रहेका ४ जनाको पनि आजै आरडिटी बिधिबाट कोरोना परीक्षण गरिएकोमा चारै जनाको रिर्पोट नेगेटिभ आएको उहाँले जानकारी दिनुभयो । अहिले गाउँपालिका भित्र ४२ जना क्वारेन्टाइनमा रहेका छन् ।
