काठमाण्डौं १७, जेठ । भारतीय रक्षामन्त्री राजनाथ सिंहले नेपाल भारतबीच उत्पन्न सीमा विवाद कुटनीतिक छलफलमार्फत समाधान गर्ने बताउनु भएको छ ।
नरेन्द्र मोदी सरकारको दोस्रो कार्याकालको दुई वर्ष पूरा भएको उपलक्ष्यमा आजतकसँगको अन्तर्वार्तामा विविध विषयमा चर्चा गर्दै सिंहले नेपालसँगको सम्बन्धबारे आफ्नो धारणा व्यक्त गर्नुभएको हो ।
आजतकसँगको अन्तर्वार्तामा सिंहले नेपाल भारतबीच लिपुलेकलाई लिएर समस्या भएको उल्लेख गर्दै भन्नुभयो ‘ छलफलको माध्यमबाट हामी यो समस्या समाधान गर्छौं।’ नेपाल र भारतबीच पारिवारिक सम्बन्ध रहेको जनाउँदै सिंहले आपसी सहमतिमा सीमामा देखिएको विषय टुंगो लगाउने बताउनुभयो ।
