एजेन्सी १०, जेठ । अमेरिकी राष्ट्रपति डोनाल्ड ट्रम्पले कोरोनाको जोखिम कम गर्न भन्दै सिफारिस गरेको मलेरियाको औषधिले मृत्युको जोखिम बढाउने एक अनुसन्धानले देखाएको छ । विज्ञान अनुसन्धान पत्रिका लान्सेटले गरेको अध्ययन अनुसार हाइड्रोक्सी क्लोरो क्विन नामक औषधि खाँदा कोरोना सङ्क्रमितलाई उल्टै मृत्युको जोखिम बढाउने तथ्य पत्ता लागेको हो ।
चिकित्सकले यो औषधि नखान चेतावनी दिए पनि कोरोनाको जोखिम नियन्त्रणमा हाइड्रोक्सी क्लोरो क्विन उपयोगी हुने दाबी गर्दै ट्रम्पले आफैले औषधि खाइरहेको खुलासा गर्नुभएको थियो । बैज्ञानिकहरुका अनुसार हाइड्रोक्सी क्लोरो क्विन औषधि मलेरियाका बिरामीका लागि उपयोगी छ भने लुपुसका केही समस्यामा पनि लाभदायक रहेको छ । तर कोरोना सङ्क्रमितका लागि यो औषधिले फाइदा पु¥याउने कुनै अनुसन्धानले देखाएको छैन ।
लान्सेट जर्नलमा प्रकाशित प्रतिवेदनमा कोरोना सङ्क्रमितलाई मलेरियाको औषधिबाट फाइदा नभएको बरु यसले उल्टो मृत्युको जोखिम बढाउने पाइएको उल्लेख छ ।
