गोरखा, ९ चैत । गोरखामा वन डढेलो सप्ताह अन्तर्गत डिभिजन वन कार्यालय गोरखाले सचेतनामूलक कार्यक्रमसहित विभिन्न कार्यक्रम सञ्चालन गरेको छ ।
यहीँ चैत १ गतेदेखि ७ गतेसम्म देशभर सञ्चालित सप्ताहव्यापी कार्यक्रम अन्तर्गत गोरखामा पनि बन डढेलो रोकथाम, नियन्त्रण र न्युनीकरणका लागि सचेतनामूलक कार्यक्रमहरु सञ्चालन गरिएको डिभिजन बन कार्यालय गोरखाका प्रमुख मदनमोहन शाण्डिल्यले जानकारी दिनुभयो ।
कार्यक्रम अन्तर्गत डिभिजन बन कार्यक्रम गोरखा मातहतका ६ वटै सवडिभिजन वन कार्यालयहरु सम्बन्धित क्षेत्रका सामुदायिव वन उपभोक्ता समितिका उपभोक्ताहरुलाई डढेलो लाग्न नदिने उपाय, डढेलो लागेमा नियन्त्रणका उपायका बारेमा अभिमुखीकरण प्रदान गरिएको उहाँले बताउनुभयो ।
प्रमुख शण्डिल्यका अनुसार जिल्लाको गोरखा नगरपालिका, पालुङटार नगरपालिका, भीमसेन थापा गाउँपालिका, अजिरकोट गाउँपलिका गण्डकी गाउँपालिकालगायतका पालिकाहरु सरोकारवालाहरुलाई सचेतना कार्यक्रम प्रदान गरिएको हो ।
वन डढेलो सप्ताह अन्तर्गत सञ्चालित कार्यक्रममा सहभागीहरुलाई अग्निरेखा सरसफाइ, नियंत्रित डढेलो अभ्यास सम्बन्धी अभिमुखीकरण प्रदान गरिएको हो । त्यस्तै वन क्षेत्रमा रहेका सुकेका पातपतिङ्र संकलन गरि व्यवस्थापन गर्ने उपायका वारेमा पनि उपभोक्तालाई जानकारी प्रदान गरिएको कार्यालयले जनाएको छ ।
‘‘डढेलो पनि एक प्रकारको विप्द नै हो, प्रमुख शाण्डिल्यले भन्नुभयो, ‘‘सप्ताह अन्तर्गत गर्नुपर्ने जिल्ला स्थित सरोकारवालाहरु विचको अन्तरक्रिया कार्यक्रम पनि रहेको छ त्यसलाई पनि छिट्टै सञ्चालन गर्ने कार्यलयको योजना रहेको छ ।
