काठमाण्डौं ८, बैशाख । प्रधानमन्त्री केपी शर्मा ओली राष्ट्रपति विद्यादेवी भण्डारीलाई भेट्न शितलनिवास जानु भएको छ । प्रधानमन्त्रीका प्रेस सल्लाहकार सूर्य थापाका अनुसार नेकपाको सचिवालय बैठक सकेर प्रधानमन्त्री ओली केहीबेरअघि शितल निवास पुग्नु भएको हो ।
राष्ट्रपति भण्डारीले सोमबार नै सरकारले सिफारिस गरेको २ वटा अध्यादेश जारी गर्नुभएको थियो । मन्त्रिपरिषद्ले अकस्मात राजनीतिक दल विभाजनको व्यवस्था खुकुलो बनाउँदै विधेयक ल्याएपछि नेकपाको सचिवालय बैठक बसेको थियो।
