द्रुत गतिको स्कुटर बसमा ठोक्किँदा दुई युवकको मृत्यु

काठमाडौँ, १३भदौः  काठमाडौँ महानगरपालिका–३२ जडीबुटीस्थित आकासे पुल नजिक रोकि राखेको बसमा तिव्र गतिमा हुँइकिएको स्कुटर ठोक्किँदा त्यसमा सवार दुई युवकको मृत्यु भएको छ ।

शुक्रबार विहान  झिसमिसेमा भएको उक्त दुर्घटनामा गम्भीर घाइते भएका काभ्रेपलाञ्चोकको पाँचखाल नगरपालिका–२ होक्सेका २३ वर्षीय नितेश नेपाल र नवलपरासी (बर्दघाट सुस्ता पश्चिम) सुनवल नगरपालिका–१ का २२ वर्षीय शिरीष पौडेलको उपचारका क्रममा मृत्यु भएको काठमाडौँ जिल्ला प्रहरी परिसरका प्रवक्ता अपिलराज बोहराले जानकारी दिनुभयो ।

सडक किनारमा बस राखेका त्यसका चालक दोलखाका सुवास तामाङलाई प्रहरीले नियन्त्रणमा लिएर कारबाही प्रक्रिया प्रारम्भ गरेको छ ।