सर्लाही ७ बैशाख : सर्लाहीको मलंगवा नगरपालिका–६ खुटौनामा जंगली बँदेलको टोकाइबाट ३ जना घाइते भएका छन् । खेतमा काम गर्न गएको समयमा उनीहरुलाई बँदेलले टोकेको जिल्ला प्रहरी कार्यालय सर्लाहीले जनाएको छ ।
घाइते हुनेहरुमा १८ वर्षीय रमेश राम, १३ वर्षीया काजल साह र २८ वर्षीय विजय साह रहेका छन् । रामको दाहिने तिघ्रामा बँदेलले टोकेको छ । उहाँको अहिले सर्लाही अस्पताल मलंगवामा उपचार भइरहेको छ ।
बाँकी दुईजनाको स्थानिय मेडिकलमा उपचार भइरहेको प्रहरी नायब उपरीक्षक मदन कुँवरले जानकारी दिनुभयो ।
