काठमाडौँ, २८ असारः पूर्वनिर्वाचन आयुक्त एवं पूर्वपत्रकार इला शर्माको हृदयाघातका कारण निधन भएको छ ।
उहाँको आज साँझ नर्भिक अस्पतालमा निधन भएको पूर्वपत्रकार अमृता लम्सालले बताउनुभयो । उहाँको दाहसंस्कार भोलि गरिनेछ । उहाँले लामो समयसम्म द राइजिङ नेपालमा काम गर्नुभएको थियो । उहाँका दुई छोरी छन् ।उहाँलाई छाती दुखेर शनिबार साँझ ७ बजेतिर अस्पताल ल्याइएको र त्यहाँ निधन भएको अस्पतालका चिकित्सकले जानकारी दिएका छन्। उनी ५८ वर्षकी थिइन्।
