गोरखा ५, बैशाख । गोरखा नगरपालिका गोरखाले नगरक्षेत्र भित्र कोरोना भाइरस (कोभिड १९ ) को रोकथाम र न्युनिकरणका बाहानामा सडकमा जभाभावी छेकबार नगर्न निर्देशन दिएको छ ।
नगरपालिकाका प्रमुख प्रसासकिय अधिकृत रामकृष्ण अर्यालले आज एक सूचना जारी गर्दै लकडाउन अबधीभर भन्दै नगरक्षेत्र भित्र आवातजावत रोक्ने काम भईरहेको पाइएकाले त्यस्ता कार्य तत्काल बन्द गर्न आग्रह गर्नुभएको छ ।
‘नगरक्षेत्र भित्र रुढ ढाल्ने, ढुङगामुडा राख्ने, बाँसका भाटा प्रयोग गर्न लगायतका अवान्छित क्रियाकलाप बाटो छेक्ने कार्य भइरहेको पाइएको छ, सूचनामा भनिएको छ, ‘ त्यस्ता कार्यले आकिस्मक जानुपर्ने सवारी साधन रोकिदा थप समस्या हुनसक्छ ।’
नगरपालिकाले सूचनाको वेवास्ता गरी जथाभावी सडक अबरुद्ध गर्ने, छेकबार गर्ने गरेका पाइए कानुन बमोजिम कारवाही हुने उल्लेख गरिएको छ ।
