गोरखा, १६ बैशाख । बैंकिङ कसुर मुद्दामा फरार भएकी प्रतिवादी गोरखा सदरमुकामकी १ जना महिलालाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले पक्राउ गरेको छ ।
पक्राउ पर्नेहरूमा गोरखा नगरपालिका–४ पोखरीथोक घर भई हाल काठमाडौं महानगरपालिका–२६ सामाखुशी बस्ने ४१ वर्षीया सविना शाक्य भएको काठमाडौं उपत्यका अपराध अनुसन्धान कार्यालय टेकुले पुष्टी गरेको हो ।
जिल्ला अदालत काठमाडौं बाट उक्त मुद्दामा पक्राउ अनुमति जारी भई फरार रहेकी सविनालाई काठमाडौं महानगरपालिका–२८ डिल्लीबजारबाट प्रहरीले पक्राउ गरेको हो ।
पक्राउ सविनालाई जिल्ला प्रहरी परिसर काठमाडौं पठाइएको काठमाडौं उपत्यका अपराध अनुसन्धान कार्यालय टेकुले जनाएको छ ।
