गोरखा, ९ चैत । गोरखाको सहिद लखन गाउँपालिकामा समुदाय साझेदारी कार्यक्रम अन्र्तगत वन डढेलो नियन्त्रण तथा लागुऔषध सम्बन्धी सचेतनामुलक कार्यक्रम सम्पन्न भएको छ ।
गाउँपालिका वडा नम्बर ६ स्थित ज्यामिर स्वाँरामा प्रहरी र स्थानीयबासीको सहभागितामा सचेतना कार्यक्रम सञ्चालन गरिएको हो । घैरुङ प्रहरी चौकीबाट प्रहरी साहायक निरीक्षक रामसागर चौधरीको नेतृत्वमा गएको प्रहरीको टोलीले स्थानीय बुद्दीजिवी, समाजसेवीलगायत सर्वसाधारणलाई भेला गरेर हिउँदका बेला हुन सक्ने आगलागीको घटना न्युनीकरणका लागि सचेतना प्रदान गरेको हो ।
त्यस्तै गण्डकी गाउँपालिका–६ चिसापानीमा पनि प्रहरी चौकी भुम्लिचोक गोरखाबाट प्रहरी साहायक निरीक्षक देवप्रसाद पाठकको नेतृत्वमा वन डढेलो नियन्त्रण तथा लागूऔषध सम्बन्धी सचेतनामुलक प्रशिक्षण प्रदान गरिएको जिल्ला प्रहरी कार्यालय गोरखाले जनाएको छ ।
