गोरखा २४, चैत । बिद्युत प्राधिकरण गोरखा बितरण केन्द्रले कोरोना भाइरस (कोभिड १९)को संक्रमणको जोखिमका कारण मिटर रिडिङका लागी ग्राहकको घरघरमा जान नसक्ने जनाएको छ । केन्द्रले सूचना जारी गरि कोरोना संक्रमणबाट जोगिन सरकारले देशभर लकडाउनको घोषणा गरेका बेला गोरखा बितरण केन्द्रबाट बिद्युत बितरण गरिएका ग्राहकको घरमा मिटर रिडिङ गर्न जान सक्ने अबस्था नरहेको जनाएको हो ।
यो अबधीमा ग्राहकले आफ्नो मिटरमा देखिएको अंक, ग्राहक नम्बर र आईडी नम्बर केन्द्रमा टिपाउन पनि सूचना मार्फत आग्रह गरिएको छ । केन्द्रले कार्यालयको फोन नम्बर ६४–४२४७७, ०६४–४२१२२२, मझुवा ०६५– ५४०३७७ वा मोवाइल नम्बर ९८४६०५६०७७ मा बिहान १० बजेदेखि बेलुकी ५ बजेसम्म टिपाउन आग्रह गरेको हो । ग्राहकले बिद्युत खपतको बिबरण जानकारी नगराए अघिल्लो महिनाको खपतलाई आधारमानी बिद्युत खपत कायम गर्ने समेत जनाएको छ ।
साथै कार्यलयले अनलाईन सेवा मार्फत पनि बिद्युत महसुल भुक्तानी गर्न सक्ने व्यवस्था गरिएकाले अनलाईनको माध्यमबाट महसुल बुझाउन ग्राहकलाई अनुरोध गरेको छ । लकडाउनको अबधीमा प्राधिकरणले मर्मत र नो लाइटका सवै काम भने नियमित गरेको जनाएको छ ।
प्राधिकरणले जारी गरेको सूचना
