काठमाडौ, २९ असोज । दशैँपछिको कारोबारको पहिलो दिनमा नेप्से परिसूचक ३१ दशमलव ४८ अङ्कले बढेको छ । आज नेप्से ३१ दशमलव ४८ अङ्कले बढेर २६९९ दशमलव ६६ विन्दुमा बन्द भएको छ ।
आज कुल ३०७ कम्पनीका ६४ लाख १७ हजार २६७ कित्ता शेयर किनबेच हुदा ३ अर्ब ६ करोड २३ लाख ३७ हजार बराबरको कारोबार भएको थियो । कुल १३ उपसमूहमध्ये उत्पादन तथा प्रशोधन मात्रै घट्यो ।
उत्पादन तथा प्रशोधन १५ दशमलव ६४ अङ्कले घट्यो । फाइनान्स १४० दशमलव ६१, जीवन बिमा १३० दशमलव ३८ अङ्क र निर्जिवन बीमा ६६ दशमलव ३४ अङ्कले बढेको छ । आज सबैभन्दा बढी जानकी फाइनान्स र मिथिला लघुवित्तको शेयर मुल्यमा सकारात्मक सर्किट लागेको थियो भने मिड सोलु हाइड्रोको शेयर मुल्यमा नकारात्मक सर्किट लागेको थियो ।
