काठमाडौ, २१ भदौ । पोर्चुगल राष्ट्रिय फुटबल टोलीका कप्तान क्रिस्टियानो रोनाल्डो माथिल्लो स्तरमा नौ सय गोल पूरा गर्ने पहिलो खेलाडी बन्नुभएको छ ।
पोर्चुगलले नेसन्स लिगमा गयराति क्रोएसियालाई २–१ ले हराउँदा रोनाल्डोले दोस्रो गोल गर्नुभएको थियो । ३९ वर्षका रोनल्डोले ३४ औं मिनेटमा भलिमा गोल गर्नुभएको हो ।
पोर्चुगलका लागि खेल्न थालेको २० वर्षपछि रोनाल्डोले १ सय ३१ औं गोल पूरा गर्नुभयो । गोल गरेपछि खुसी मनाउने क्रममा उनी घुँडा टेकेर बस्दै भावुक हुनुभएको थियो ।
रोनाल्डोले नौ सय गोलको कीर्तिमानका लागि स्पोर्टिङ लिस्बन, म्यानचेस्टर युनाइटेड, रियल म्याड्रिड र अहिले साउदी अरबको अल नासरबाट गोल गर्नुभएको थियो । नेसन्स लिगको समूह ‘ए’मा रहेको पोर्चुगल पोल्याण्डसँगै ३ अङ्क भएको छ । पोल्याण्डले स्कटल्याण्डलाई हराएको थियो ।
