गोरखा, २४ साउन । गोरखामा आफ्नै श्रीमती हत्याको अभियोगमा पक्राउ परेका एक पुरुष पुर्पक्षका लागि कारागार चलान भएका छन् ।
गोरखा जिल्ला अदालतले ज्यान सम्बन्धी कसूर कर्तव्य ज्यानमुद्दामा बुधबार बारपाक सुलिकोट गाउँपालिका वडा नं ७ बालुवाका ३१ बर्षका कुमार सार्कीलाई पुर्पक्षका लागी कारागार चलान गरेको प्रहरी निरीक्षक धुब्र शर्माले बताउनुभयो ।
सार्कीले असार २६ गते राती २६ बर्षकी श्रीमती सुनितालाई मारेको जाहेरीका आधारमा उनलाई पक्राउ गरि प्रहरीले अनुसन्धान सुरु गरेको थियो ।
सुनिता सलको पाँसो लगाइ झुण्डिएको अबस्थामा फेला परेकी थिईन् । कुमारले श्रीमतीको हत्या गरी झुण्डाएको र नाटक मन्चन गर्दै गाउँले भेला पारेर पासो काटेको भन्दै मृतकका भाईले प्रहरीमा जाहेरी दिएका थिए । सोही आधारमा प्रहरीले उनलाई पक्राउ गरी मुद्दा दर्ता गरेर अनुसन्धान अघि बढाएको थियो ।
