गोरखा,२३ साउन । धार्चे गाउँपालिका न्यायिक समितिद्धारा निर्मित मेलमिलाप सम्बन्धी जनचेतनामूलक भिडियो हिजो बिमोचन गरिएको छ । जिल्ला अदालत गोरखाका न्यायधीस शिवबहादुर रानाभाट एक कार्यक्रममा विच भिडियो सन्देशको बिमोचन गर्नुभएको हो । जिल्ला अदालतको सभाहलमा गाउँपालिका भित्रका एघारवटै पालिकाका उपप्रमुख तथा न्यायिक समितिका कर्मचारी सहितको उपस्थितीमा भिडियो बिमोचन गरिएको धार्चे गाउँपालिका न्यायिक समितिका संयोजक एवं गाउँपालिकाकी उपाध्यक्ष सुनिला गुरुङले जानकारी दिनुभयो ।
धार्चे गाउँपालिका न्यायिक समितिले गाउँपालिकाले पालिका भित्रका नागरिकहरुलाई गाउँपालिका अन्र्तगत रहने मेलमिलाप समितिले न्यायिक क्षेत्रका गर्ने कामलगायतका बिषयमा जानकारी प्रदान गर्न भिडियो निर्माण गरेको उहाँले बताउनुभयो ।
‘‘भिडियोमा न्यायिक समितिले हेर्ने मुद्दाहरु, अदालतले हेर्ने मुद्दा, प्रहरीको पुग्नुपर्ने खालका मुद्दाहरुका बिषयमा पनि नागरिकहरुलाई जानकारी दिने प्रयास गरिएको छ, उहाँले भन्नुभयो, ‘‘सकभर सानातिना विवादलाई अदालतसम्म पु¥याउनु भन्दापनि गाउँ वा न्यायिक समितिबाट हल गर्नुपर्छ भन्ने सन्देष पनि भिडियोमार्फत गाउँपालिकाबासीसम्म पु¥याउन खोजिएको छ ।’’
न्यायिक समितिले आफ्नो क्षेत्राधिकार भित्र रहेर स्थानीय तहमार्फत नै छिटो, छरितो र निस्पक्ष न्यायदिन सक्ने र न्यायमा समेत सवैको पहुँच पु¥याउन सकिने भएकाले त्यसको जानकारी आमनागरिकमा पु¥याउन भिडियो निर्माण गरिएको संयोजक गुरुङले बताउनुभयो ।
जनचेतनामूलक भिडियोमा चर्चित हास्यव्यङ्ग्य कलाकार सुरविर पण्डित, पल्पसा डंगोल (चम्सुरी), चर्चित मोडल जुनु गुरुङ, सुस्मिता गुरुङ, सुनबहादुर गुरुङ (राज गोर्खाली), किसन गुरुङ (फिस्टे) बालकलाकार कुसल घलेलगायतको अभियन रहेको छ । त्यस्तै गायनतर्फ आँशु लामा, विमला गुरुङलगायतले साथ दिनुभएको उहाँले जानकारी दिनुभयो । भिडियोको जिल्ला अदालत गोरखामा पनि छयाङ्कन गरिएको छ ।
