गोरखा, २८ जेठ । केही दिनदेखी हराएका गोरखा फुजेलका १ जना बृद्वको मृक्त शरिर त्रिशुली नदीमा फेला परेको छ । फेला परेका ब्यक्ति गण्डकी गाउँपालिका–३ फुजेल निवासी ७५ बर्षिय गणेशबहादुर श्रेष्ठ भएको जिल्ला प्रहरी कार्यालय गोरखाका प्रहरी निरिक्षक एवं निमित्त सूचना अधिकारी उज्वलबहादुर सिंहले जानकारी दिनुभयो ।
उहाँका अनुसार ५–६ दिन अघि घरबाट निस्किएका श्रेष्ठ परिवारको सम्र्पकमा नआएपछी स्थानिय र प्रहरीले खोजी गरेको छ । श्रेष्ठको मृक्त शरिर आइतबार मध्य रातमा गण्डकी गाउँपालिका–६ को दर्बुङ स्थित गोरखा तर्फको त्रिशुली नदीमा फेला परेको थियो ।
श्रेष्ठको आज पोष्टमार्टम पछि शव परिवारलाई बुझाएको पनि निमित्त सूचना अधिकारी सिंहले बताउनुभयो ।
