जनकपुरधाम,२९ फागुन । जन्ती राख्नको लागि वडा कार्यालय प्रयोग गरेपछि जनकपुरधाम उपमहानगरपालिका(२५ मा मंगलबार बिदा दिइएको छ । एक स्थानीयको बिवाहमा आएका जन्ती सोमबार राति वडा कार्यालयमा बास बसेका थिए ।
कार्यालय सहयोगीको घरमा विवाह परेको र वडासचिव मदन महतो बिरामी भएकाले वडा कार्यालय बन्द रहेको वडा नं.२५ का वडाध्यक्ष चन्देश्वर साहले साहले बताउनुभयो ।
वडा कार्यालयको सभाहलमा जन्ती राखिएको भन्दै उहाँले यही कारणले कार्यालय खोल्न अवरोध नभएको तर वडासचिव र कार्यालय सहयोगी नआउने भएपछि बन्द रहेको बताउनुभयो ।
‘उहाँहरु आउनुभएन, म पनि गइन । त्यसकारण वडा कार्यालय बन्द छ । जन्ती हलमा भएकाले कुनै समस्या परेको छैन’, वडाध्यक्ष साहले भने । वडा कार्यायल जन्ती राख्नको लागि बन्द गरेको भन्दै वडाबासीले विरोध जनाएका छन् ।
