गोरखा,४ फागुन । गोरखामा प्रजातन्त्र दिवस तीन दिनसम्म बिभिन्न कार्यक्रमका साथ मनाइने भएको छ । फागुन ७ गते दिवसको अवसरमा फागुन ६ गते दिवसको पूर्वसन्ध्यामा रानीपोखरी र गोरखा दरवार सरसफाई गर्ने कार्यक्रम रहेको जिल्ला समन्वय समिति गोरखाले जनाएको छ ।
सरसफाई कार्यक्रममा सम्पूर्ण सरकारी निकाय, सुरक्षाकर्मीहरु, राजनीतिज्ञ, पत्रकार, नागरिक समाज लगायतको सहभागिता रहने व्यवस्था मिलाइएको जिल्ला समन्वय समिति गोरखाका प्रमुख मोहनबहादुर थापामगरले जानकारी दिनुभयो ।
त्यस्तै फागुन ७ गते प्रभात फेरि कार्यक्रमको आयोजना गरिएको उहाँले बताउनुभयो । प्रभातफेरि जिल्ला समन्वय समिति गोरखाको प्राङगढबाट सुरु भएर नयाँ बसपार्क ठूलो आँगन, हस्पिटल चोक, हरमटारी चोक हुँदै पुनः जिसस गोरखाको प्राङगढमा आएर समापन हुनेछ ।
त्यस्तै फागुन ८ गते प्रजातन्त्र र त्यसमा आम नागरिकहरुको भूमिका बिषयक अन्तरक्रिया कार्यक्रम जिल्ला समन्व्य समितिको सभाहलमा आयोजना गर्ने निर्णय भएको उहाँले प्रमुख थापामगरले जानकारी दिनुभयो ।
