गोरखा, १९ माघ । गोरखा नगरपालिकामा नगर स्तरीय माध्यमिक तह नृत्य प्रतियोगिता हुने भएको छ । स्वतन्त्र विद्यार्थी युनियन गोरखा क्याम्पसको आयोजनामा नृत्य प्रतियोगिता हुन लागेको हो ।
गोरखा नगरपालिका भित्रका माध्यमिक तहका बिद्यालयहरुलाई समेटेर प्रतियोगिता गर्न लागिएको स्ववियुका सह–सचिव रचन परियारले जानकारी दिनुभयो ।
प्रतियोगितामा प्रथम, द्धितिय र तृतिय हुनेले क्रमश पाँच हजार, तीन हजार र दुई हजार नगद पुरस्कार सहित ट्रफि, मेडल र प्रमाणपत्र प्रदान गरीने उहाँले बताउनु भएको छ । त्यस्तै सान्त्वना हुनेलाई एक हजार नगद पुरस्कारको व्यवस्था समेत गरीएको आयोजकले जनाएको छ ।
नृत्य प्रतियोगितामा सहभागी बिद्यार्थीले संस्कृति झल्कने प्रकारको प्रस्तुती गर्नुपर्ने र बढीमा चार जना मात्र सहभागी हुन पाउने ब्यबस्थमा रहेको आयोजकले जनाएको छ ।
प्रतियोगिता यहि माघ २५ गते हुने भएको छ । गोरखा क्याम्पसको सभाहलमा हुने प्रतियोगितामा सहभागी हुन चाहने बिद्यालयले माघ २४ गतेसम्म दर्ता गराउनु पर्ने बताइएको छ । दर्ता शुल्क भने नलाग्ने आयोजकले जनाएको छ ।
प्रतियोगितामा सहभागी हुन स्ववियुले नगर क्षेत्रका सबै माध्यमिक तहका बिद्यालयहरुलाई आग्रह समेत स्ववियुका सह–सचिव परियारले बताउनुभयो ।
