गोरखा, २६ भदौ : अबैध रुपमा नदीमा करेन्ट लगाएर माछा मार्ने चार जनालाई प्रहरीले पक्राउ गरेको छ । गोरखाको पालुङटार नगरपालिका–१, भेसेटार स्थित दरौंदी नदीमा करेन्ट लगाएर माछा मारिरहेका बेला उनिहरुलाई पक्राउ गरिएको जिल्ला प्रहरी कार्यालय गोरखाका प्रहरी नायव उपरीक्षक (डिएसपी) रमेशकुमार श्रेष्ठले जानकारी दिनुभयो ।
पक्राउ पर्नेमा सहिद लखन गाउँपालिका वडा नम्बर ७ बुङकोटका २५ बर्षका रामबहादुर आले, गण्डकी गाउँपालिका–६, का २८ बर्षका पदमबहादुर थापा, तनहुँ जिल्ला आँबुखैरेनी गाउँपालिका–३, बस्ने २२ बर्षका मनोज कुमाल र सोही ठाउँका २४ बर्षका प्रदिप अर्याल रहेको उहाँले बताउनुभयो ।
दरौंदी नदीमा ब्याट्री मार्फत करेन्ट प्रवाहगरी अबैध रुपमा माछा मार्दै गरेको अबस्था प्रहरी चौकी मझुवाबाट खटिएको प्रहरीको टोलीले सोमबार उनिहरुलाई पक्राउ गरेको हो । पक्राउ परेकाहरुको साथबाट करेन्ट प्रवाहगरी माछा मार्न प्रयोग गरेको ब्याट्री लगायत सामग्री समेत बरामत गरिएको डिएसपी श्रेष्ठले जानकारी दिनुभयो ।
पक्राउ परेका चारै जना बिरुद्ध जिल्ला प्रसासन कार्यालय गोरखामा सार्वजनिक शान्ति बिरुद्धको कसुर शिर्षकमा मुद्दा दर्ता गरी अनुसन्धान अघि बढाइएको उहाँले जानकारी दिनुभयो । उनिहरुलाई जिल्ला प्रहरी कार्यालय गोरखाको हिरासतमा राखेर अनुसन्धान थालिएको छ ।
जिल्ला स्थित नदी र खोलाहरुमा करेन्ट प्रवाहगरी माछा मार्नेक्रम बढ्दै गएपछि प्रहरीले उक्त अबैधानिक कार्यलाई रोकथाम र नियन्त्रणका गर्न पहल सुुरु गरेको छ । गएको सोमबारपनि गोरखा नगरपालिका–१०, स्थित सिर्दिखोलामा करेन्ट लगाएर माछा मारिरहेका बेला दुईजनालाई प्रहरीले पक्राउ गरेको थियो ।…दीपक श्रेष्ठ
