गोरखा, ४ भदौ । गोरखा दरौँदी यातायात सेवा कम्पनी प्रा.लिको नवनिर्मित भवनको आज उद्घाटन गरिएको छ । सदरमुकाम स्थित गोरखा नगरपालिका–९ स्थित खोलखोलेमा रहेको नवनिर्मित भवनको एक कार्यक्रममा बिच नेपाल यातायात व्यवसायी राष्ट्रिय महासंघका कोषाध्यक्ष ज्ञानेन्द्र श्रेष्ठले उद्घाटन गर्नुभएको हो ।
भवनको उद्घाटन कार्यक्रमलाई सम्बोधन गर्नुहुदैँ श्रेष्ठले गोरखा दरौँदी यातायात सेवा प्रा.लिले आफ्नै भवन निर्माण गर्न सफल भएकोमा खुशी व्यक्त गर्नुभयो । उहाँले तत्कालिन गोरखा यातायातले स्थापनाको समयदेखि नै निक्कै कठिनाई र चुनौतीहरु भोगेर अहिलेको अबस्थामासम्म आइपुगेको भन्दै संस्था र व्यवसायीहरुको हितमा निरन्तर दत्तचित्त भएर लाग्न पनि सवै व्यवसायीहरुलाई अनुरोध गर्नुभयो ।
‘मैले भन्दैपर्छ गोरखा जिल्लामा तत्कालिन पृथ्वीयातायातको सिण्डीकेटलाई तोडेर आमनागरिकहरुलाई सरल र सहज यातायात सेवा पु¥याउनका लागि संस्थाको स्थापना गरिएको थियो ।, श्रेष्ठले भन्नुभयो ।
यस अघि नै प्रा.लिले आफ्नो नाममा खरिद गरेको जग्गामा करिब १ करोड ५० लाख रुपैयाको लागतमा भवन निर्माण सम्पन्न गरिएको हो । भवन उद्घाटन कार्यक्रम प्रा.लिका अध्यक्षतामा नारायण खत्रीको अध्यक्षतामा सम्पन्न भएको हो ।
