काठमाडौँ, २७ साउन । नेपाली कांग्रेसका सभापति शेरबहादुर देउवा र उपप्रधान तथा गृहमन्त्री नारायणकाजी श्रेष्ठबीच भेटवार्ता भएको छ । शुक्रबार साँझ सभापति देउवालाई भेट्न गृहमन्त्री श्रेष्ठ उनकै निवास, धुम्बाराही पुगेका हुन् ।
कांग्रेस संसदीय दलको बैठकपछि देउवाले गृहमन्त्री श्रेष्ठलाई पार्टीका सांसद सुनील शर्मा पक्राउ प्रकरणबारे बिफ्रिङ लिन निवासमम बोलाएका थिए ।
सभापति देउवाका स्वकीय सचिव भानु देउवाका अनुसार गृहमन्त्री श्रेष्ठले मुलकको सुरक्षा अवस्था र सांसद शर्मा पक्राउ प्रकरणबारे बिफ्रिङ गरेका थिए । उनीहरू करिब आधा घण्टा मुलुक समसामयिक राजनीतिबारे कुराकानी भएको उहाँको भनाई छ ।
