गोरखा, १४ जेठ । एक साता अघी बारपाक सुलिकोट गाउँपालिका–६ मैलुङमा ज्याने लिने गरी आक्रमण गर्ने समूहलाई गोरखा प्रहरीले अझै नियन्त्रणमा लिन सकेको छैन । आक्रमणमा परी मैलुङकी ७५ बर्षिया तीलकुमारी देवकोटा गंभिर घाईते हुनु भएकी थिइन ।
गत जेठ ८ गते राती ९ः३० बजे घरमा बसी रहेको बेला युवाहरुको एक समूहले तीलकुमारीलाई आक्रमण गरेको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी लिलाराज लामिछानेले जानकारी दिनुभयो । आक्रमणकारीले तीलकुमारीलाई घाँटीमा धारीलो हतियार प्रहार गरेका थिए ।
घाईते महिलाको अहिले पनि स्थानिय स्वास्थ्य चौकीमा उपचार भई रहेको उहाँका भाई महेश पनेरुले बताउनुभयो । अहिलेको अवस्था सामान्य भएता पनि घाँटीको चोट हो भोली के हुन्छ भन्न नसकिन्न पनेरुको भनाई छ । पिडित तीलकुमारीका अनुसार किन आफु माथि आक्रमण भयो केही थाहा नभएको बताउनुभयो ।
आक्रमणकारी भाग्ने क्रममा १ जनाको मोबाईल फेला परेको पनि सूचना अधिकारी लामिछानेले जानकारी दिएको छ । मोबाइलबाट आक्रमणकारीको पहिचान खुलिसकेको पनि उहाँ बताउनुभयो । यता साता दिन बितिसक्दासम्म पनि आक्रमणकारी पक्राउ नपरेको भन्दै आफन्तहरुले आक्रोस पोखेका छन् ।
यता जिल्ला प्रहरी कार्यालय गोरखाका प्रहरी नायब उपरिक्षक लामिछानेले आक्रमणकारीको पहिचान खुलिसकेको र खोजी कार्य भइरहेको जानकारी दिनुभयो । तर आक्रमणमा के कती जनाको संलग्नता रहेको भन्ने बारे पक्राउ परेपछी मात्र थाहा हुने उहाँले बताउनभयो । तीलकुमारी आक्रमणमा ३ जना युवा संलग्न भएको उहाँको परिवार स्रोतले जनाएको छ ।
