धादिङ । धादिङको बेनिघाट रोराङ गाउँपालिकाको ८ दुङवाङको जलदेवी आधारभूत विद्यालयमा अहिले पनि बालबालिका खुल्ला आकाशमुनी बसेर पढ्न बाध्य छन् । बालकक्षा (इसीडी) देखि ३ कक्षासम्म पढाइ हुने सो विद्यालयको एउटा मात्रै रहेको ४ कोठे भवन २०७२ बैशाख १२ गतेको विनाशकारी भूकम्पपछि क्षतविक्षत भएको थियो ।
बिद्यालयमा भएको एउटै मात्रै भवन पनि भूकम्पका कारण जोखिमपूर्ण भएको थियो । २०७२ सालको बिनासकारी भूकम्प पछि तत्काल विभिन्न संघसस्थाको सहयोगमा बनाइको अस्थायी टहरा र खुल्ला आकाशमुनी नै राखेर विद्यार्थीलाई पठन(पाठन गराइरहेको शिक्षकले बताउनु भएको छ ।
खुल्ला आकाशमुनी विद्यालयको आगनमै राखेर पढाउँदा पनि बस्ने चकटीसमेत गतिलो नहुँदा ढुङगा तथा पर्खालमा राखेर पढाउनुपर्ने बाध्यता रहेको शिक्षक नन्द बहादुर बोहोराले बताए । भूकम्पले भत्कार पछि पठन पाठन गर्ने कक्षा कोठा त छैन तर पनि त्यहाँ राखेर पढाउँदा झन ठूलो दुर्घटना हुने डरले टहरा र आँगनमै राखेर पढाइरहेका बिद्यालय ब्यावस्थापन समितिका एक सदस्यले बताउनु भयो ।
पानी परेको बेला र धेरै घाम लागेको बेलामा बालबालिकालाई अस्थायी टहरा र भूकम्पले चर्काएको भवनको कम क्षति भएको एउटा कोठामा एकैठाउँमा राखेर पढाई गरिदै आएको शिक्षक बिनिता श्रेष्ठले जानकारी दिनुभयो ।
