काठमाडौं, २५ वैशाख । नेकपा माओवादी केन्द्र निकट नेपाल दलित मुक्ति मोर्चाको अध्यक्षमा दलजित शेर्पाली चयन भएका छन् । वैशाख २३ र २४ गते सम्पन्न भएको छैठौ राष्ट्रिय महाधिवेशनबाट शेर्पाली अध्यक्षमा चयन हुनु भएका हुन् ।
पूर्व खेलकुदमन्त्री समेत भइसकेका शेर्पाली दोस्रो कार्यकाल दलित मुक्ति मोर्चाको अध्यक्ष चयन हुनु भएका हुन् । दोस्रो संविधान सभा (२०७०) को चुनावमा शेर्पाली समानुपातिक सांसद भएपछि मन्त्री हुने अवसर पाएका हुन् । शेर्पालीको अध्यक्षमा १ सय ९९ सदस्यीय केन्द्रीय कमिटी बनाएको छ ।
