काठमाडौं, २३ चैत्र । मोरङका विभिन्न परीक्षा केन्द्रबाट ११६ जना नक्कली परीक्षार्थी पक्राउ परेका छन् । नक्कली परीक्षार्थीले परीक्षा दिएको भन्ने सूचनाका आधारमा प्रहरी टोलीले ११६ जनालाई पक्राउ गरेको हो । तीन वटा परीक्षा केन्द्रबाट उनीहरुलाई पक्राउ गरिएको मोरङ प्रहरीका प्रवक्ता रन्जन दाहालले जानकारी दिनुभयो ।
ग्रामथान गाउँपालिका–२ मा रहेको सरस्वती मावि परीक्षा केन्द्रबाट ५२ जना, केराबारी गाउँपालिका–७ स्थित सार्वजनिक माविबाट ४४ जना र सुन्दरहरैचा नगरपालिका–१ स्थित जनता माविबाट २० जना गरी ११६ जनालाई पक्राउ गरिएको छ ।
नियन्त्रण्मा लिएकाहरुमध्ये कोको नक्कली हुने भन्नेबारे भेरिफाइ गर्ने काम भइरहेको प्रहरीले जनाएको छ ।
