जनकपुरधाम । धनुषामा घरेलु मदिरा सेवनका कारण ज्यान गुमाउनेको संख्या दिन दिनै बढिरहेको छ अहिले सम्ममा घरेलु मदिराका कारण ज्यान गुमाउनेको संख्या १४ पुगेको जिल्ला प्रहरी कार्यलय धनुसाले जानकारी दिएको छ ।
जनकपुरधाम उपमहानगरपालिका वडा नम्बर ७ मुसहर बस्तीमा शुक्रबार र शनिबार गरी तीन जनाको ज्यान गएको प्रहरीले जानकारी दिएको छ । क्षिरेश्वरनाथ नगरपालिकामा एक साताको अवधिमा ११ जनाको मदिराको कारण ज्यान गएको थिए ।
शनिबार विहान झगरु सदाको ज्यान गएको छ । मदिरा सेबनका कारण ज्यान गुमाउने सबैको उमेर ५० वर्ष हाराहारी रहेको स्थानीय किशोर साहले जानकारी दिनुभयो । उनीहरुमा झाडापखालाको समस्या समेत रहेको स्थानीय प्रशासनले जनाएको छ ।
यसअघि क्षिरेश्वरनाथ नगरपालिका वडानम्बर २ रमदैयामा गत बिहीबार र शुक्रबार आठ जनाको विशाक्त घरेलु मदिरा सेवनका कारण ज्यान गएको थियो भने एक जना भेन्टिलेटरमा उपचारत छन् । अन्य पाँच जनाको सामान्य अवस्थामा उपचार भइरहेको छ हस्पिटल श्रोतले जानकानरी दिएको छ ।
