वीरगञ्ज,२७ फागुन । दुर्व्यवहार गरेको आरोपमा वडाध्यक्ष पक्राउ परेका छन् । वन डिभिजन कार्यालय बाराका वन अधिकृत विनोदकुमार सिंहलाई दुर्व्यवहार गरेको आरोपमा बाराको कोल्हवी नगरपालिका(५ का वडाध्यक्ष नन्दकिशोर चौधरी पक्राउ परेका हुन् ।
वडाध्यक्ष चौधरीलाई डिभिजन वन कार्यालयको टोलीले आज पक्राउ गरेको हो । वन डिभिजन कार्यालयले अतिक्रमण हटाएर वृक्षारोपण गरेको जमीनको विषयमा छलफल गर्ने क्रममा वडाध्यक्ष चौधरीले अपशब्द प्रयोग गरेका थिए । घटनाको थप अनुसन्धान भइरहेको छ।
